#PAASFEES-HOOP  

Ek het al soveel reekse oor hoop geskryf. Dit was ook glad nie my plan om nou daaroor 'n reeks te ontwikkel nie. Behalwe dat ek soms verras word deur die verloop van omstandighede wat my anders laat besluit.   

Komende Woensdag breek 'n nuwe maand aan en soos gewoonlik moet ek nadink oor die volgende tema. Ons is steeds in Paastyd en soos jy weet hou hierdie periode in ons kerklike jaar aan tot op Pinkstersondag. Hierdie jaar is Pinkstersondag op 19 Mei. Daar is dus nog bykans 3 weke oor alvorens ons met 'n pinksterreeks kan begin.  Dus, wat gemaak tot daardie tyd?   

En dit is hier waar die inspirasie  intree (wat tog net die werk van die Gees kan wees).  'n Predikantkollega (wat my daaglikse stukke ook in sy gemeente gebruik) stuur boodskap:  wil jy nie oorweeg om oor hoop te skryf nie? Dalk is dit juis nóú die tyd om weer oor hoop na te dink, want ons leef in so 'n plofbare tyd.   

Teen die einde van die maand hou ons 'n nasionale verkiesing, en hou ons nie almal ons asems daarvoor op!  Soveel dinge kan so maklik verkeerd loop. Nie net hier by ons nie. Wêreldwyd lyk alles plofbaar!  Onlangs het 'n internasionale nuusstasie 'n debat met politici gebeeldsend oor die moontlikheid van 'n dreigende Derde Wêreldoorlog. Dit kan tog nie!   

Dit maak nie saak of ons verlede maand, verlede week, of selfs bloot gister oor hoop nagedink het nie. Ons het dit vandág nodig! Nóú!  En net daar besef ek dat hoop die regte tema is. Hoop is 'n paasfeesonderwerp. Die opstanding is die bron en die rede vir ons hoop. En daarom noem ek dit bloot #PAASFEESHOOP.  

Ek nooi jou uit om van Woensdag 1 Mei tot by Pinkstersondag die paastyd hoopvol te vier. Mag dit ons inspireer om draers van hoop te wees in 'n wêreld wat meer en meer hooploos lyk.  

Hierdie bediening is gratis en is volledig afhanklik van vrywillige donasies.  Sou dit in jou vermoë wees, oorweeg dit asb om my te ondersteun.    STANDARD BANK TAKKODE: 051001 REK NO: 080042805 RM BEZUIDENHOUT  

BANKBESONDERHEDE: 

STANDARD BANK / TAKKODE: 051001

REK NO: 080042805 ./ RM BEZUIDENHOUT.

Paasfeesgroete, Ronell

Hoe doen ons dit? 

Elke meditasie word vergesel met 'n daagliks musiekvideo van musiek uit alle oorde van die wêreld.

As jy nog nie my dagstukke ontvang nie, stuur gerus 'n boodskap na 0832810547 of ronellbezt@gmail.com. Jy kan ook direk registreer deur hier te klik. 

Dui ook aan of jy dit soggens (06:30) of saans (21:00) wil ontvang. 

Saam met hierdie reeks plaas ons ook daagliks op Facebook en Instagram grafika met die dagstuk se gebed wat jy vrylik kan deel. 

Dit is gratis en word uitsluitelik met vrywillige ondersteuning finansier. 

Hoofkunswerk:   Sebastiano Ricci  The Resurrection 1715